|
Rheswm dros ddewis
y llyfr :
- Ansawdd y lluniau
- Cysylltiad rhwng sefyllfa gyffredin (edrych ar yr awyr a dychmygu siapiau,
a ffantasi).
- Stori benagored yn cael ei chyflwyno fel problem i'w datrys, trwy sgwrs
rhwng oedolyn a phlentyn os oes modd.
Crynodeb:
Mae adroddwr y stori yn gweld clwstwr o gymylau yn yr awyr
fel diadell o ddefaid sy'n cael eu chwythu'n bwyllog tua'r ddaear ac yn
dechrau pori mewn cae .
Yn sydyn, mae dafad ddu yn glanio. Beth sy'n digwydd nesaf? Y geiriau
olaf yw '... Ac wedyn?' Does dim wedi'i ysgrifennu ar dudalen olaf y llyfr.
Mae'r awdur yn siarad â rhieni ac addysgwyr gan ddweud pa mor bwysig
yw ffantasi wrth dyfu i fyny. Mae'n eu gwahodd i ymuno â
phlant i ddychmygu beth sy'n digwydd nesaf.
Cyfieithiad:
Fe ddigwyddodd yn gynnar yn y bore. Roedd yr haul ar
fin codi ac roedd cymylau ar wasgar yn yr awyr, fel pe bai'n llond cae
o ddefaid.
Wrth edrych yn ofalus arnyn nhw, fe welais i fod gan bob un ohonyn nhw
wyneb, a llygaid bach hefyd.
Bron heb iddyn nhw sylwi, fe ddechreuon nhw rolio i lawr a chwympo'n araf
trwy'r awyr fel pe bai ganddyn nhw barasiwt bob un.
Cyn gynted ag y glanion nhw, fe ddechreuon nhw fwyta. Wrth gwrs, roedd
eisiau bwyd arnyn nhw.
Roeddwn i'n meddwl mai dyna oedd diwedd y stori ond yna, yn sydyn ac yn
swnllyd, fe welais i'r ddafad ddu yn dod i lawr.
... Ac yna?
(working translation for educational
purposes only)
Gweithgareddau
i'w gwneud yn yr ysgol:
1. Gofynnwch i'r plant adrodd y stori gan ddilyn y lluniau.
Yna, darllenwch y stori iddyn nhw a chymharu'r ddwy fersiwn.
2. Gofynnwch i'r plant ddychmygu beth sy'n digwydd nesaf a gorffennwch
y stori, naill ai trwy dynnu
lluniau, neu trwy ysgrifennu, neu'r ddau beth.
3. Gofynnwch i'r plant adrodd y stori o safbwynt y defaid a syrthiodd
o'r awyr, gan gadw at drefn y digwyddiadau a'r naratif yn y stori wreiddiol.
4. Syrthiodd y defaid mewn ardal wledig ger pentref bach ym Mhortiwgal.
Gofynnwch i'r plant ganfod cymaint ag y gallant am y wlad hon ac ysgrifennu
deialog rhwng dau bentrefwr a welodd y defaid yn syrthio. Efallai
y gallech recordio hyn fel drama radio.
5. Trafodwch y tebygrwydd a'r gwahaniaeth rhwng defaid duon a defaid gwynion.
(Gallai hyn arwain at drafodaeth am yr hawl i fod yn wahanol, gwahaniaethau
diwylliannol, hiliaeth ac ati.)
Pethau
i'w hystyried: Soniwch am gwrdd â phlant o wlad arall. Pa bethau a'ch helpodd
/ a allai eich helpu i ddod ymlaen yn dda gyda nhw.
Sylwer Ceir rhagor o weithgareddau'n ymwneud â
llenyddiaeth ac iaith yn Picture Books sans Frontières
sydd ar gael gan
tb@trentham-books.co.uk neu www.amazon.co.uk
|
