| Rheswm
dros Ddewis :
Gan fod cynifer o wahanol broblemau yn Ewrop, sy'n aml yn ei gwneud
yn anodd sicrhau heddwch a chyd-ddealltwriaeth, mae'r llyfr hwn yn ei
symlrwydd yn awgrymu sut y gellir sicrhau cytgord gan barchu'r gwahaniaethau
rhwng pobl
Crynodeb:
Yng ngwlad y corneli, mae gan bopeth gorneli. Mae pêl
yn mynd i darfu ar y system. Dim ond y plentyn sy'n gallu deall y neges.
Cyfieithiad
:
1. 'Bobl bach – rydyn ni wedi cael corneli drwg heddiw'
2. 'Mmm! Mae'r corneli crensiog ‘ma'n flasus.'
3. 'Daria! Dydyn ni ddim yn mynd i unman.'
4. 'Beth yw saith cornel y byd?'
5. 'Hei, does gan honna ddim...'
6. 'Welaist ti erioed y fath beth?'
7. 'Wyneb petryal, onglog, sgwâr, y Cyrnol Cornel!'
8. 'Dylwn i fod wedi sylweddoli.'
9. 'Mae hyn yn amhosib. Brysiwch, dewch.'
10. 'Mae ‘na ragor ohonyn nhw!'
11. 'Ti biau honna? O ble mae'n dod?
12. 'Dal yn dynn ac fe ddangosa i i ti beth i'w wneud.'
(working translation for educational
purposes only)
Gweithgareddau
i'w defnyddio yn yr ysgol :
(Efallai y gellid defnyddio'r llyfr hwn ar y cyd ag 'A ovelha
negra'- Portiwgal)
1. Edrychwch yn ofalus ar y lluniau :
Trafodwch i) Pam y mae'r oedolion yn amheus o'r bêl
ii) Pam y gall y plant dderbyn ‘pethau crwn'
Gwnewch lyfryn consertina gan ddefnyddio 'gwahaniaeth' arall i adrodd
stori debyg.
2. A all y plant feddwl am bethau yn eu bywydau nhw sy'n 'wahanol' ac
nad yw pobl eraill yn eu deall bob amser? E.e. rhyw chwiw/ffasiwn neu
ddymuniad i edrych ar raglenni teledu neu ddarllen llyfrau nad yw eu rhieni'n
eu deall o bosib.
Gofynnwch i'r plant ddewis rhywbeth yr hoffent ei gael yn anrheg ben-blwydd,
ond y gwyddant nad yw eu rhieni'n deall pam. Gofynnwch i'r plant
wneud rhestr o resymau pam yr hoffent gael yr anrheg hon ac yna ysgrifennu
llythyr i geisio darbwyllo'u rhieni ei fod yn syniad da.
3. Gofynnwch i'r plant weithio mewn parau i ysgrifennu eu testun eu hunain
ar gyfer y stori, ond iddynt ychwanegu rhyw bedair neu chwe thudalen i
ymestyn y stori.
Yna, gallant recordio'r stori ar dâp a gallech roi'r ‘llyfrau stori'
a'r tapiau yn y cornel llyfrau.
Pethau
i'w hystyried : A yw'n bosib bod angen i blant, yn
gyffredinol, ystyried sut y maent yn derbyn ‘pobl eraill'?
Sylwer Ceir rhagor o weithgareddau'n
ymwneud â llenyddiaeth ac iaith yn Picture Books sans
Frontières sydd ar gael gan
tb@trentham-books.co.uk neu
www.amazon.co.uk
|
